Pastdarg‘om tuman hokimligida xalq deputatlari tuman Kengashining Agrar, suv xo‘jaligi masalalari bo‘yicha doimiy komissiyasi majlisi o‘tkazildi.

Majlisda “O‘zbekiston Respublikasining ayrim qonun hujjatlariga ov qilish va ovchilik xo‘jaliklari faoliyatini yanada takomillashtirishga qaratilgan o‘zgartirish va qo‘shimchalar kiritish to‘g‘risida”gi Qonunning mazmun-mohiyati hamda uning tumandagi ijrosini ta’minlash masalalari ko‘rib chiqildi.

Muhokamalar davomida qonun bilan ovchilik sohasida huquqiy tartibotlarni takomillashtirish, ovchilik guvohnomalari va yo‘llanmalarini berish tartibini elektron tizimga o‘tkazish, yovvoyi hayvonlarni muhofaza qilish va ulardan foydalanish bo‘yicha nazoratni kuchaytirish, shuningdek ovchilik xo‘jaliklarini tashkil etish va yuritish bo‘yicha yangi tartiblar joriy etilgani qayd etildi.