Xalq deputatlari Shovot tumani Kengashi kotibiyati mudiri I. Masharipov “Mahalla — islohotlar markazida: mahalliy vakillik organlari va “mahalla yettiligi”ning hamjihat faoliyati” mavzusida tashkil etilgan davra suhbatida ishtirok etdi.

🤝 Tadbir davomida mahalliy vakillik organlari hamda “mahalla yettiligi” o‘rtasidagi hamkorlikni yanada mustahkamlash, aholi muammolarini o‘z vaqtida aniqlash va hal etish, hududlarni ijtimoiy-iqtisodiy rivojlantirish hamda fuqarolar bilan ishlash samaradorligini oshirish masalalari muhokama qilindi.

🏛 Shuningdek, mahallalarda olib borilayotgan islohotlar, jamoatchilik nazoratini kuchaytirish, aholi murojaatlari bilan ishlash tizimini takomillashtirish va hududlarda manzilli ishlarni tashkil etish bo‘yicha fikr-mulohazalar almashildi.

✅ Tadbir yakunida mahalliy Kengashlar va “mahalla yettiligi”ning o‘zaro hamjihatligi hududlarni rivojlantirish, aholi farovonligini oshirish hamda mavjud muammolarni samarali hal etishda muhim omil ekani ta’kidlandi.