Davlat bayrog‘i qabul qilingan kun.

O‘zbekiston mustaqillikka erishganining dastlabki yilidanoq mamlakat suverenitetining muhim belgisi – Davlat bayrog‘iga ega bo‘ldi. 1991-yil 18-noyabr kuni «O‘zbekiston Respublikasining Davlat bayrog‘i to‘g‘risida»gi Qonun qabul qilindi. 

O‘zbekiston suverenitetini belgilaydigan ramzlar orasida Davlat bayrog‘i alohida o‘rin tutadi. Zero, bayroq xalqning o‘tmishi va buguni, mustaqilligi, tinchligi va barqarorligining timsolidir. 

Xalq deputatlari Quva tuman Kengashi deputatlari 18-noyabr - O‘zbekiston Respublikasi Davlat bayrog‘i qabul qilingan kun munosabati bilan tuman xokimligida o‘tkazilgan tantanali tadbirlarda faol ishtirok etdilar.