Xalq deputatlari Dehqonobod tuman Kengashi deputati Dilorom Hayitova Istiqlol mahallasidagi saylovchilar bilan uchrashuv davomida mahallada yog‘ingarchilik vaqtida ichki yo‘l bo‘ylab suv to‘planib, piyodalar va transport harakatiga noqulaylik tug‘dirayotgani yuzasidan murojaat qabul qilgan edi. 

Deputat tomonidan tuman Yo‘llardan foydalanish unitar korxonasiga tegishli deputatlik so‘rovi yuborildi va masala ijobiy hal etildi. Muammoni bartaraf etish maqsadida yo‘l bo‘ylab suv o‘tkazgich truba o‘rnatildi. 

Mazkur ishlar natijasida aholining kundalik harakati uchun qulaylik yaratildi.