Bugun Xalq deputatlari Boyovut tuman Kengashi 20-Darvozaqir saylov okrugi deputati Nazokat Narxadjayeva tomonidan navbatdagi saylovchilar bilan uchrashuv tashkil etildi. Uchrashuv davomida mahallalarda mavjud bir qator dolzarb masalalar atroflicha muhokama qilindi.

Xususan, aholi tomonidan ichki yo‘llarning ta’mirtalab holati, gaz ta’minoti va ichimlik suvi bilan bog‘liq muammolar, shuningdek ijtimoiy infratuzilmani yaxshilash, hududni obodonlashtirish va aholiga qulay sharoitlar yaratish borasidagi masalalar ko‘tarildi.

🗒️ Deputat saylovchilar murojaatlarini diqqat bilan tinglab, ularning har birini o‘rganib chiqish, tegishli tashkilot va mutasaddilar bilan hamkorlikda amaliy yechimlar ishlab chiqish bo‘yicha vazifalar belgilab oldi.

Uchrashuv yakunida fuqarolarning taklif va fikrlari qayd etilib, masalalar bosqichma-bosqich hal etilishi bo‘yicha kelishib olindi.