Oʻzbekiston Ekologik partiyasi Bogʻot tumani va Xonqa tumani Kengashi va yosh deputat A.Odamboyeva tashabbusi bilan “Kuzgi eko-sayohat” shiori ostida ekologik ekskursiya tashkil etildi.

Mazkur ekskursiya Gulchilik yoʻnalishiga ixtisoslashgan maktab hududida boʻlib oʻtdi. Tadbir davomida oʻquvchilarga issiqxona faoliyati, unda o‘simliklarning parvarishi, ko‘paytirish jarayonlari hamda zamonaviy agrotexnik usullar amaliy tarzda namoyish etildi.

Eko-sayohatning asosiy maqsadi — yoshlarning ekologik madaniyatini oshirish, tabiatga e’tiborni kuchaytirish, amaliy tajriba orqali ularni ekologik ongli va mas’uliyatli fuqarolar sifatida tarbiyalashdir.

Tadbir doirasida o‘quvchilar bilan ochiq muloqot, savol-javoblar oʻtkazildi, shuningdek, issiqxonalarda yetishtirilayotgan turli manzarali va foydali o‘simliklar bilan yaqindan tanishtirildi. Tadbir soʻngida faol ishtirok etgan yoshlarga esdalik sovgʻalari topshirildi.

Xalq deputatlari Xonqa tumani Kengashi deputati A.Odambayeva