Ijtimoiy soha ob’ektlaridagi qurilish-ta’mirlash
ishlari deputatlar nazoratida 

Xalq
deputatlari Quva tuman Kengashi deputlari O‘zbekiston Respublikasi Prezidentining
2024-yil 24-dekabrdagi PQ-454-son qarori asosida Qaqir mahalla fuqarolar yig‘ini
hududida joylashgan 40-son umumiy o‘rta ta’lim maktabidagi yangi o‘quv binosini
qurilishi holatini o‘rgandilar. 

Qurilish ishlari “Iftixor
ta’mir servis” MChJ tomonidan amalga oshirilmoqda. Bino 3 qavatdan iborat
bo‘lib, 330 o‘ringa mo‘ljallangan. Loyiha qiymati 2 milliard 700 million so‘mni
tashkil etadi. 

O‘rganishlar davomida
deputatlar tomonidan bir qator kamchiliklar aniqlandi. 

Tashrif chog‘ida deputatlar
tomonidan qurilish ishlari uchun mas’ul bo‘lgan “Iftixor ta’mir servis” MChJ
rahbariyatiga aniqlangan kamchiliklarning barchasi ko‘rsatildi. Bajarilgan
ishlardan xalq vakillari qoniqish hosil qilmadilar. Shu bois deputatlar
tomonidan mazkur qurilish ishlariga huquqiy baho berish lozimligi ta’kidlanib,
tegishli hulosalarni tuman prokuraturasiga taqdim etish masalasi kelishib
olindi.