Xalq deputatlari Payariq tumani Kengashi "17-Mustaqillik" sylov okrugidan saylangan deputat Jo‘rayev Dilmurod Tolibjanovich o‘zi saylangan “Qumchuq”, “Xo‘jaobod” va “G‘oyibota” mahallalariga tashrif buyurib, saylovchilari bilan uchrashdi. Deputat o‘z saylov okrugida “Qumchuq” mahallasida bo‘lib, bugungi kunda mahalla fuqarolar yig‘inlarida olib borilayotgan yoshlarni xatlovga olish ishlari, ular bo‘yicha keng qamrovli ishlarni olib borish, “Yoshlar va biznesni qo‘llab-quvvatlash yili”da mahallada tadbirkorlikni qo‘llab-quvvatlash, yoshlarni ish bilan ta’minlash, yangi ish o‘rinlari yaratish va boshqa ishlar ahvoli bilan tanishdi. Jumladan, u bemor fuqarolarning uylariga borib, ular holidan xabar olib, tibbiy xizmat ko‘rsatish ahvoli, ularga yaratilgan sharoitlar haqida fikr bildirdi, “Akfa” mahsulotlari va pishiq g‘isht ishlab chiqarayotgan yosh tadbirkorlarga yaratilgan sharoitlardan xabardor bo‘ldi.  

Shuningdek, deputat hududdagi oilaviy shifokorlik punktlari, maktabgacha ta’lim tashkilotlariga ham borib saylovchilari bilan yaqindan muloqotda bo‘ldi.