Мүнәсибет

Президентимиз Ш.М. Мирзиёевтың басшылығында 9-сентябрьде өткерилген видеоселектор мәжилисинде мектепке шекемги ҳәм мектеп билимлендириўи системасында әмелге асырылып атырған үлкен өзгерислер ҳәм реформалар, билимлендириўге болған итибар биз педагогларды қуўандырып ғана қоймастан, ал және де күшлирек ҳәрекет етиўимизге үлкен түртки болды.

Мектеплерде жоқары класслар ушын жасалма интеллект сабақларының енгизилиўи, класс бөлмеси компьютер ҳәм интерактив доска менен тәмийинлениўи, ҳәр бир мектепте мәсләҳәтши лаўазымының енгизилиўи Президентимиздиң билимлендириўге үлкен исеним менен қарап атырғанын билдиреди. Ҳәзирги ўақытта мектебимизде оқыўшыларымызға жетик билим бериўде хам күшли жаслар тәрбиялаўда үлкен үлес қоспақта.

Президентимиз тәрепинен билимлендириў системасына қаратылған барлық ҳәрекетлерди қоллап-қуўатлап, оларды әмелге асырыўда белсене қатнасыўға, бар күш-ғайратымды жумсаўға таярман.

Айтгул ЖОЛЫМБЕТОВА, 8-санлы "Қазақдәрья" сайлаў округынан Халық депутатлары Мойнақ районлық Кеңеси депутаты, ӨзХДП депутатлық топар ағзасы.