So‘nggi yillarda mamlakatimizda jismoniy va yuridik shaxslarning murojaatlarini ko‘rib chiqish orqali inson huquqlari va erkinliklari, uning qonuniy manfaatlarini himoya qilish muhim ustuvor yo‘nalishlardan biriga aylandi.

Shu boisdan, Termiz shahar “Abdulla Avloniy” mahalla fuqarolar yig‘inida shahar Kengashi deputati D.Normuradova ishtirokida fuqarolar qabuli tashkil etildi.

Qabul davomida fuqarolarning uy-joy, tadbirkorlik faoliyati, moddiy yordam berish, ijtimoiy reestrda turgan fuqarolar bolalarini bog‘chaga joylashtirish va mahallani obod qilish masalalari yuzasidan murojaatlari tinglanib, huquqiy maslahatlar berildi va ayrim murojaatlar bo‘yicha tegishli tashkilotlarga deputatlik so'rovi bilan chiqish belgilandi.