#Munosabat

Prezident Shavkat Mirziyoev O‘qituvchi va murabbiylar kuni arafasida soha xodimlari bilan muloqot o‘tkazdi.

O‘qituvchi va murabbiylar kuni arafasida davlatimiz rahbari Shavkat Mirziyoevning soha vakillari bilan muloqotlari barchamizning qalbimizdan chuqur joy oldi. Prezidentimiz ta’kidlaganidek, so‘nggi sakkiz yilda ta’lim sohasida amalga oshirilgan islohotlar butun mamlakat taraqqiyotiga kuchli turtki berdi, ya’ni:

Ta’lim va ilm-fanga xarajatlar 6 barobar oshirildi;

Ta’lim va ilm-fanga 378 trillion so‘m mablag‘ yo‘naltirildi;

Yuzlab yangi maktab, bog‘cha va oliygohlar qurildi;

Ustoz va murabbiylar mehnat sharoiti va moddiy rag‘batlari yaxshilandi.

Bu natijalar — ta’limga berilayotgan yuksak e’tibor, ustozlarga ko‘rsatilayotgan g‘amxo‘rlikning amaliy ifodasidir, desam mubolag‘a bo‘lmaydi.

Farg‘ona tuman Kengashi deputati sifatida ayta olamizki, ustoz va murabbiylarimizning jamiyat taraqqiyotidagi o‘rni beqiyos. Chunki ularning mehnati orqali sog‘lom, bilimli va barkamol avlod tarbiyalanadi.

Davlatimiz rahbarining ta’lim va ilm-fanni rivojlantirishga qaratigan har bir sa’y-harakatlari — yurtimiz kelajagining mustahkam poydevori bo‘lib xizmat qilishiga va kelajakda ushbu sa’y-harakatlar o‘z mevasini berishiga chin dildan ishonaman.

Aziz ustoz va murabbiylar! Sizlarni bayramingiz bilan chin qalbimdan muborakbod etaman. Sizlarning fidoyiligingiz, farzandlarimizni sog‘lom va bilimli qilib tarbiyalashga qo‘shgan hissangiz — millat ravnaqi va kelajak kafolatidir.

Yangi O‘zbekistonda eng muhim soha – ta’lim, eng hurmatli insonlar – ustoz va murabbiylardir!

O‘zbekiston “Adolat” SDPdan Farg‘ona

tuman Kengashiga saylangan

deputat Ozodaxon Dadajonova