Xalq deputatlari Payariq tumani Kengashi deputati M. Nurmanova tomonidan “Go'zal” mahalla fuqarolar yig‘inida joylashgan Xususiy davlat maktabgacha ta’lim muassasasi hodimlari va 1-sonli umumta’lim maktabi o‘quvchilari bilan uchrashuv tashkil etildi. 

Yig‘ilishda eng avvalo ta’lim-tarbiya jarayonidagi dolzarb masalalar muhokama qilindi. O‘quvchilarga bilim olishning hayotdagi o‘rni va ahamiyati, intizomli bo‘lish, darslarni o‘z vaqtida va puxta o‘zlashtirish zarurligi ta’kidlab o‘tildi.

Shuningdek, maktabdagi ichki tartib-qoidalar, yagona maktab formasi, sinf va maktab mulkiga ehtiyotkorlik bilan munosabatda bo‘lish, o‘zaro hurmat va do‘stona muhit yaratish haqida ham so‘z yuritildi. Uchrashuv davomida o‘quvchilar o‘z fikr va takliflarini bildirishdi.

Yig‘ilish yakunida esa o‘quvchilarga kitobxonlik madaniyatini oshirish, turli ma’naviy-ma’rifiy tadbirlarda faol ishtirok etish, hamda vaqtni unumli va maqsadli sarflash bo‘yicha amaliy tavsiyalar berildi.