Xalq deputatlari mahalliy Kengashlar faoliyati bilan tanishish va o‘zaro tajriba almashish maqsadida viloyatimizda bo‘lib turgan O‘zbekiston Respublikasi Oliy Majlisi Senati a’zolari, Senat devoni xodimlari va Qoraqalpog‘iston Respublikasi Jo‘qorg‘i Kengesi deputatlaridan iborat delegatsiya Qiziltepa tumaniga tashrif jarayonida xalq deputatlari Qiziltepa tumani Kengashi faoliyati bilan ham yaqindan tanishishdi.

Tanishuv oldidan tuman hokimi Bekzod Bobomurodov barcha mehmonlarga Qiziltepa tumani, uning tarixi va buguni, mavjud imkoniyatlari haqida ma’lumot berdi. Shundan so‘ng tuman Kengashi kotibiyati mudiri Ulug‘bek Bobojonov Kengash uchun yaratilgan sharoitlar, Kengash tomonidan 2023-yilda amalga oshirilgan ishlar va boshqa bir qator yangiliklar bo‘yicha ma’lumotlar berdi. Mehmonlar o‘zlarini qiziqtirgan savollarga javob olishdi, tuman Kengashi deputatlari bilan suhbatlashishdi. 

Xalq deputatlari Qiziltepa tuman Kengashi kotibiyati