Muhtaram Prezidentimiz Sh.M.Mirziyoyev tomonidan 2024-yil 2-fevralda “Mahalliy davlat hokimiyati vakillik organlarining faoliyati samaradorligini yanada oshirish chora-tadbirlari to‘g‘risida”gi 28 F-sonli Farmoni qabul qilinib, mahalliy davlat hokimiyati organlari faoliyatini yangi modeli – “Kuchli Kengash, hisobdor va tashabbuskor hokim” tamoyili asosida qator yangi qoidalar belgilandi. 

Bugun Xalq deputatlari tuman Kengashi raisi S.Usmanov boshchiligida mazkur Farmonning mazmun-mohiyatini o‘rganish hamda keng jamoatchilikka tanishtirishda deputatlarning faolligini oshirish maqsadida xalq deputatlari tuman Kengashi deputatlari, Kengash kotibiyati mas’ul xodimlari ishtirokida o‘quv-amaliy seminar bo‘lib o‘tdi.