Халқ депутатлари Пахтаобод тумани Кенгаши раиси ҳамда 14-Шувоқзор округидан сайланган туман Кенгаши депутати иштирокида ҳудудда аҳоли билан мулоқот ўтказиб, уларнинг мурожаатларини тинглаш натижасида кўплаб муаммолар ўз ечимини топмоқда.

Учрашув давомида ҳудуд инфратузилмасини кўздан кечирди. Жаҳон банки томонидан маҳаллада амалга оширилаётган сув тармоғи тортиш ишлари кўрилди. Маҳаллада ўрнатилган темир-бетон таянчларга тармоқ тортиш ишларини якунига етказиш борасида тизим масъулларига топшириқ берди. Маҳаллада тиббиёт пункти ташкил этиш бўйича тиббиёт соҳаси мутасаддиларига тегишли топшириқлар берди. Шунингдек, маҳаллада келгусида амалга оширилиши лозим бўлган ишлар борасида ҳам фикрлашиб, аҳоли муаммолари ечим сари йўналтирилди.