Xalq deputatlari Qo‘shko‘pir tuman Kengashi deputatlari Mehribon Tillayeva hamda Manzura Ortiqovalar tuman hokimining davlat tili masalalari bo‘yicha maslahatchisi Nodira Eshchonova bilan hamkorlikda 23-son maktabda Prezidentimizning viloyatimizga tashrifi davomida qilgan ma’ruzalari va undan kelib chiqadigan xulosalar, to‘ylarni ixchamlashtirish, ish yuritishda davlat tili qoidalariga e’tibor berish, geografik ob’yektlprni nomlashdagi yondashuvlar xususida suhbatlashdilar. Pedagoglar ham o‘z navbatida fikr, mulohaza, takliflarini bildirib, deputatlarga ayrim masalalar yuzasidan savollar bilan murojaat qildilar. Deputatlar o‘z vakolatlari doirasida savollarga javob qaytarib, ayrim muammolar yuzasidan daxldor tashkilotlarga so‘rov bilan chiqishlarini bildirdilar.