"Navbahor" mahallasi 7- uyda istiqomat qiluvchi Rahimova Zuhra Abdullayevna xalq deputatlari Chilonzor tumani Kengashi deputati Murotova Lola Ne’matjon qizi qabuliga kelib, uy atroflari, bolalar maydonchalari chiqindilarga to‘lib ketganligidan va yo‘laklar ta’mirtalabligidan shikoyat qildi.
Deputat fuqaroning murojaatini joyiga chiqib o‘rganganda, haqiqatdan ham hududga mas’ul boshqaruv kompaniyasi tozalik ishlarini vaqtida bajarmaganligi aniqlandi.
Chilonzor tuman hokim o‘rinbosari K.Hamrayev yordamida hududga tegishli "Poytaxt Ziyo servis" boshqaruv kompaniyasi tomonidan uy oldi va hududda tozalash ishlari olib borildi.
Yo‘laklarni ta’mirlash yuzasidan vazifalar belgilab olindi.