Bugun Xalq deputatlari Chinoz tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi majlisi bo‘lib o‘tdi.
Majlisni doimiy komissiya raisi Olimjon Dadajonov olib bordi. Unda Kengash raisi Abduvohid Turdiboyev hamda komissiya a’zolari ishtirok etdi.

📝 Kun tartibida Chinoz tumanida 2026-yil ikkinchi mavsum “Ochiq budjet” axborot portali orqali jamoatchilik fikri asosida eng ko‘p ovoz to‘plab g‘olib bo‘lgan takliflarga “Fuqarolar tashabbusi jamg‘armasi”dan mablag‘lar ajratish to‘g‘risidagi hisobot ko‘rib chiqildi.
Muhokama davomida deputatlar tomonidan mas’ullarga savol, taklif va fikr-mulohazalar bildirildi.

✅ Majlis yakunida bildirilgan taklif va mulohazalarni inobatga olgan holda, mazkur masalani Kengashning navbatdagi sessiyasi kun tartibiga kiritish to‘g‘risida xulosa qilindi hamda tegishli qaror qabul qilindi.