📍 Xalq deputatlari Chinoz tumani Kengashining ish rejasiga muvofiq, 16-Chorvador saylov okrugidan saylangan deputat Abdumajid Sadirovga biriktirilgan Kengash kotibiyati bosh mutaxassisi B.Ortiqboyev tomonidan “Chorvador” mahalla fuqarolar yig‘inida xotin-qizlar faoli faoliyati o‘rganildi.

📒 “AYOLLAR DAFTARI” — MANZILLI YORDAMNING MUHIM VOSITASI
Bugungi kunda “Chorvador” mahallasida 137 nafar xotin-qiz “Ayollar daftari”ga kiritilgan.
Ular mavjud muammolari va ehtiyojlaridan kelib chiqib, quyidagi toifalarga ajratilgan:
🔹 1-toifa — 60 nafar
Ijtimoiy himoyaga muhtoj, ishsiz xotin-qizlar.
🔹 2-toifa — 4 nafar
Tadbirkorlik faoliyatini yo‘lga qo‘yish yoki kengaytirish istagidagi xotin-qizlar.
🔹 3-toifa — 10 nafar
Uy-joy sharoitini yaxshilashga muhtoj xotin-qizlar.
🔹 4-toifa — 40 nafar
Tibbiy va psixologik yordamga ehtiyojmand xotin-qizlar.
🔹 5-toifa — 23 nafar
Huquqiy yordamga muhtoj xotin-qizlar.
📌 AMALIY NATIJALAR
O‘rganish jarayonida “Ayollar daftari”ga kiritilgan xotin-qizlar bilan manzilli ish olib borilayotgani ham qayd etildi.
✅ 52 nafar ijtimoiy himoyaga muhtoj xotin-qizga yordam ko‘rsatildi;
🩺 36 nafar xotin-qizga tibbiy va psixologik ko‘mak berildi;
⚖️ 22 nafar xotin-qizga huquqiy yordam ko‘rsatildi;
💼 4 nafar tadbirkorlik faoliyatini boshlash istagidagi xotin-qizga amaliy ko‘mak berildi;
🏠 9 nafar uy-joy sharoitini yaxshilashga muhtoj xotin-qizga yordam ko‘rsatildi.
🤝 O‘rganish yakunida xotin-qizlar bilan ishlashda faqat mavjud muammolarni aniqlash bilan cheklanib qolmasdan, ularni daromadli mehnatga jalb qilish, kasb-hunarga o‘qitish, tadbirkorlik tashabbuslarini qo‘llab-quvvatlash va ijtimoiy himoyasini kuchaytirishga qaratilgan ishlarni izchil davom ettirish bo‘yicha tavsiyalar berildi.
👩‍💼 Shuningdek, mahalladagi xotin-qizlarning murojaatlari va ehtiyojlarini doimiy o‘rganib borish, “Ayollar daftari” bilan ishlash samaradorligini oshirish hamda muammolarni manzilli va amaliy yechimlar asosida hal etish yuzasidan kelgusidagi vazifalar belgilab olindi.