#_deputat_faoliyati
#_24_ta_masala
#_kotibiyat_xodimi_faoliyati
Aholi murojaatlari xonadonbay o‘rganilmoqda

Xalq deputatlari Sariosiyo tumani Kengashining ish rejasida belgilangan vazifalar ijrosini ta’minlash, hududlarda amalga oshirilayotgan ishlar samaradorligini o‘rganish hamda aholi bilan ishlash tizimini yanada takomillashtirish maqsadida saylov okruglarida o‘rganish ishlari izchil davom ettirilmoqda.

Jumladan, Xalq deputatlari Sariosiyo tumani Kengashining “21-Dehqonobod” saylov okrugidan saylangan deputati S.Saidovning saylov okrugiga kiruvchi “Turmushobod” mahallasida xonadonbay o‘rganish ishlari olib borildi.

O‘rganish jarayonida Xalq deputatlari Sariosiyo tumani Kengashi kotibiyati mudiri M.Ashurov hamda kotibiyat bosh mutaxassisi N.Xamdamova ishtirok etib, hududdagi xonadonlarning ijtimoiy holati, aholini qiynab kelayotgan muammolar, fuqarolarning murojaatlari va takliflari atroflicha o‘rganildi.

Xonadonbay o‘rganishlar davomida, ayniqsa, ishsiz fuqarolarni bandligini ta’minlash, doimiy daromad manbalarini yaratish, tadbirkorlik faoliyatini yo‘lga qo‘yish istagidagi fuqarolarni qo‘llab-quvvatlash, ijtimoiy himoyaga muhtoj oilalarni aniqlash hamda ularning mavjud muammolarini tegishli tashkilotlar bilan hamkorlikda hal etish masalalariga alohida e’tibor qaratildi.

Shuningdek, fuqarolarning uy-joy, kommunal xizmatlar, infratuzilma, tibbiy xizmat, bandlik va boshqa ijtimoiy masalalar yuzasidan bildirgan murojaatlari tinglandi. Aniqlangan muammolarni tegishli tashkilotlar vakillari bilan birgalikda o‘rganish va ularning qonuniy yechimini ta’minlash bo‘yicha zarur choralar belgilandi.

O‘rganish davomida fuqarolarga mavjud imkoniyat va imtiyozlar haqida tushuntirishlar berilib, murojaatlarning ijrosini nazoratga olish hamda ularning natijadorligini ta’minlash masalalariga e’tibor qaratildi.