Xalq deputatlari Toshkent viloyati Kengashi deputati, Kengash Kotibiyati mudiri A. Anarov tomonidan Xalq deputatlari Angren shahar Kengashi Kotibiyati xodimlari hamda Xalq deputatlari Angren shahar Kengashining Reglament va deputatlik odob-axloqi masalalari bo‘yicha doimiy komissiyasi raisi R. Xayitkulova ishtirokida uchrashuv va amaliy muloqot o‘tkazildi.

Uchrashuv davomida xalq deputatlari faoliyatini samarali tashkil etish, deputatlik odob-axloqi talablariga rioya etish, Kengash doimiy komissiyalari faoliyatini belgilangan tartibda yuritish hamda normativ-huquqiy hujjatlar bilan ishlash masalalariga alohida e’tibor qaratildi.

Shuningdek, deputatlik odob-axloqi masalalari, normativ-huquqiy hujjatlarni yuritish, hujjatlarni rasmiylashtirish, saqlash va tizimlashtirish bo‘yicha amaliy tavsiyalar berildi. Deputatlar va Kotibiyat xodimlarining ish faoliyatida qonunchilik talablariga qat’iy rioya qilish, hujjatlarni belgilangan tartibda rasmiylashtirish hamda ijro nazoratini kuchaytirish yuzasidan fikr-mulohazalar bildirildi.

Uchrashuv yakunida Kengash faoliyatini yanada takomillashtirish, deputatlik faoliyatining samaradorligini oshirish va hujjatlarni yuritishda yagona amaliyotni shakllantirish bo‘yicha tegishli tavsiyalar berildi.

📱 Telegram 📱 Instagram 📱 Facebook