YOSHLAR — KELAJAGIMIZ!

Mustaqillik yillarida mamlakatimizda yoshlarni har tomonlama qo‘llab-quvvatlash, ularning huquq va manfaatlarini himoya qilish, ta’lim olishi, kasb-hunar egallashi hamda bandligini ta’minlash borasida keng ko‘lamli islohotlar amalga oshirildi.

✨ “Yoshlar — kelajagimiz” davlat dasturi doirasida yoshlarning tashabbus va g‘oyalarini qo‘llab-quvvatlash, ularni tadbirkorlik faoliyatiga jalb etish, yangi ish o‘rinlari yaratish hamda zamonaviy kasblarni egallashlari uchun zarur shart-sharoitlar yaratishga alohida e’tibor qaratildi.

Bugungi kunda yoshlarning bilim va salohiyatini ro‘yobga chiqarish, ularni tadbirkorlikka yo‘naltirish, bandligini ta’minlash va jamiyat hayotidagi faolligini oshirish borasidagi ishlar izchil davom ettirilmoqda.

Zero, yoshlar — mamlakatimizning ertangi kuni, taraqqiyotimizning mustahkam poydevori va Yangi O‘zbekiston bunyodkorlaridir.

🇺🇿 Mustaqillikning 35 yilligi arafasida yoshlar uchun yaratilayotgan imkoniyatlar va amalga oshirilayotgan ezgu ishlar mamlakatimizda inson qadri, ayniqsa, yosh avlod kelajagiga bo‘lgan e’tibor yuksak darajaga ko‘tarilganining yorqin ifodasidir.

Muallif: F.Turdiyev, Xalq deputatlari Uzun tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zosi