Xalq deputatlari Andijon shahar Kengashi Korrupsiyaga qarshi kurashish va xavfsizlik masalalari bo‘yicha doimiy komissiyasi raisi Avazbek Appaqov hamda deputat Dildoraxon Rahmatullayeva ishtirokida Andijon davlat pedagogika institutida uchrashuv o‘tkazildi.

Uchrashuv davomida korrupsiyaga qarshi kurashish va uning oldini olish, korrupsiyaviy holatlarning kelib chiqish sabablari hamda ularning salbiy oqibatlari haqida tushuntirishlar berildi.

Shuningdek, korrupsiyaga nisbatan murosasiz munosabatni shakllantirish, qonuniylik va halollik tamoyillariga rioya etish muhimligi ta’kidlandi.

Bunday uchrashuvlar jamiyatda korrupsiyaning oldini olish va huquqiy madaniyatni yuksaltirishga xizmat qiladi.