Bugun, 12-iyun kuni Bandixon tumani hokimi, xalq deputatlari tuman Kengashi deputati Abdumalik Allamuradov va
xalq deputatlari tuman Kengashi raisi Jurayev Erkinjon Normurodovichlar tomonidan navbatdagi fuqarolar va tadbirkorlar qabuli o‘tkazildi. Qabul davomida tumanning turli hududlaridan kelgan fuqarolar o‘zlarini qiynab kelayotgan masalalar yuzasidan murojaat qildilar.

Bandixon tumanida aholi bilan ochiq muloqot qilish, fuqarolar murojaatlarini tinglash hamda ularning muammolariga amaliy yechim topish borasidagi ishlar izchil davom etmoqda. Inson manfaatlari va xalq roziligini ta’minlash ustuvor vazifa sifatida e’tiborda bo‘lib, har bir murojaat alohida nazoratga olinmoqda.

Murojaatlarda asosan oqova suv tizimini yaxshilash, ijtimoiy sohadagi masalalar, bandlikni ta’minlash hamda boshqa dolzarb yo‘nalishlarga oid muammolar ko‘tarildi. Har bir murojaat alohida tartibda ko‘rib chiqilib, fuqarolarning taklif va fikrlari tinglandi.

Qabul davomida jami 8 ta murojaat ko‘rib chiqildi. Ularning 4 tasi joyida ijobiy hal etilib, murojaatchilarni qoniqtirgan yechimlar topildi.

Qo‘shimcha o‘rganish va vaqt talab etadigan masalalar yuzasidan esa tegishli tashkilot va idoralar rahbarlariga aniq topshiriqlar berildi.

Bandixon tumanida har bir murojaat e’tiborda, har bir masala nazoratda. Fuqarolarning qonuniy manfaatlarini ta’minlash va ularning hayot sifatini yaxshilash yo‘lidagi ishlar davom etadi.