#tavsiyalar_asosida_fhdyo_arxivi

FHDYO arxivi — tarixiy xotira saqlanayotgan muhim maskan sifatida o‘rganildi.

Xalq deputatlari Kogon shahar Kengashi raisi A. Yangiyev, Sh. Isamutdinov hamda kotibiyat mutaxassislari I. Ikromov va Z. Temirovalar FHDYO bo‘limi arxivi faoliyati bilan joyida tanishdilar.

Bu yerda oddiy hujjatlar emas, balki inson hayotining eng muhim lahzalari jamlangan: tug‘ilish, nikoh va vafot qayd etilgan rasmiy yozuvlar. Eng e’tiborlisi, arxivda 1940-yildan boshlab saqlanayotgan hujjatlar mavjudligi ma’lum bo‘ldi. Bu esa nafaqat hujjat, balki butun bir davrning tirik guvohi ekanini anglatadi.

Arxiv xonalarida har bir daftar, har bir yozuv tartib bilan joylashtirilgan bo‘lib, yillar davomida yig‘ilgan ma’lumotlar uzluksiz saqlanib kelmoqda. Bu hujjatlar orqali fuqarolarning shajarasi, oilaviy tarixlari va muhim hayotiy voqealari qayd etilgan.

O‘rganish jarayonida arxivning ichki tartibi, hujjatlarning saqlanish holati va tizimlashtirilgan ishlash mexanizmi ko‘zdan kechirildi. Har bir papka ortida bir inson taqdiri, bir oila tarixi yashiringanligi alohida ta’kidlandi.

FHDYO arxivi — vaqtni saqlab turgan, o‘tmish va bugunni bog‘lab turuvchi muhim manba sifatida e’tirof etildi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash