O‘rganish jarayonida Sanitariya-epidemiologik osoyishtalik va jamoat salomatligi qo‘mitasining Surxandaryo viloyati Angor tumani bo‘limi faoliyati atroflicha tahlil qilindi. Muassasa rahbari Irdanaqulov Maxmud Usmonovich tomonidan amalga oshirilgan ishlar, mavjud tizim xususan, korrupsiyaga qarshi kurashish yo‘nalishida olib borilayotgan targ‘ibot tadbirlari, yuzasidan deputatlarga batafsil ma’lumot berildi. Shuningdek, muassasada korrupsiyaga qarshi targ‘ibot materiallari va ogohlantiruvchi belgilar mavjudligi, holati ham ko‘zdan kechirildi. Hujjatlar yuritilishi, jumladan, tegishli papkalar, hisobotlar va ichki nazorat tizimi deputatlar tomonidan sinchiklab o‘rganildi. shbu o'rganish yakunlariga ko‘ra mazkur masalani Xalq deputatlari tuman Kengashining navbatdagi sessiyasiga muhokama uchun kiritish rejalashtirildi.