🐣 Bog‘chada qish tashvishlariga o‘rin yo‘q: Deputat o‘rganishi 

Bolajonlarning issiq va shinam sharoitda ta’lim-tarbiya olishi — doimiy
e’tiborda. 14-Mintepa saylov okrugi deputati B.Abduraximov hududdagi 8-sonli
maktabgacha ta’lim tashkilotida bo‘lib, qishki mavsumga tayyorgarlik holatini
ko‘zdan kechirdi. 

O‘rganish natijalari ko‘ngildagidek: 

Xonalarda harorat meyorda: Bolalar tahsil oladigan va dam oladigan xonalar
issiq, isitish tizimi uzluksiz ishlamoqda. 

Sharoitlar qoniqarli: Kichkintoylarning salomatligini asrash va ularga
qulay muhit yaratish borasidagi ishlar sifatli tashkil etilgan. 

"Bog‘cha yoshidagi bolalarning sog‘lig‘i juda nozik, shuning uchun
qish mavsumida xona haroratining barqarorligi eng asosiy vazifamizdir. 8-MTTda
bu borada qilingan ishlar namunali darajada," — deb ta’kidladi deputat. 

Deputat nazorati davomida muassasa xodimlari bilan suhbatlashib, mavsumni
betalofat o‘tkazish bo‘yicha qo‘shimcha tavsiyalar berdi.