MAKTABDA TA’LIM OLISH UCHUN YARATILGAN SHAROITLAR O‘RGANILDI

Xalq deputatlari Navoiy shahar Kengashi deputati Poleshuk Natalya Valerevna hamda Kengash kotibiyati bosh mutaxassisi Muborak Astanova Navoiy shahridagi 18-sonli umumta’lim maktabida bo‘lib, ta’lim jarayoni uchun yaratilgan sharoitlarni o‘rgandilar.

O‘rganish davomida maktabdagi mavjud sharoitlar, o‘quvchilarning bilim olishi uchun yaratilgan imkoniyatlar hamda ta’lim muassasasining kundalik faoliyati bilan bog‘liq masalalarga e’tibor qaratildi.
Ta’lim muassasalarida o‘quvchilar uchun munosib sharoit yaratish, ularning sifatli ta’lim olishini ta’minlash va mavjud muammolarni o‘z vaqtida aniqlash muhim vazifalardan hisoblanadi.

O‘rganishdan ko‘zlangan asosiy maqsad — maktab faoliyatini yanada yaxshilash, o‘quvchilar manfaatlarini ta’minlash hamda ta’lim muassasasidagi sharoitlarni takomillashtirishga qaratilgan masalalarni aniqlashdan iborat.