Xalq deputatlari Chilonzor tumani Kengashining III-24-84-14-204-K/26-sonli qarori asosida tuman mahalliy budjetining qo‘shimcha manbalari hisobidan mahalla infratuzilmasini yaxshilash va yo‘llarni ta’mirlash uchun mablag‘ yo‘naltirilishi belgilandi.
📍 Manzil: Eski Chilonzor 5-tor ko‘chasi va Katta Chilonzor ko‘chasi.
👤 Mas’ul deputat: Miryunusov Alisher Xabibullayevich — 2-Chilonzor saylov okrugidan saylangan xalq deputatlari Chilonzor tumani Kengashi deputati.
💰 Ajratilgan mablag‘: 180 000,0 ming so‘m (180 million so‘m).
Mazkur mablag‘lar Chilonzor tumani hududidagi mahallalar infratuzilmasini yaxshilash, deputatlar so‘rovlarida ko‘tarilgan muammolarni inobatga olgan holda yo‘llarni ta’mirlash va asfaltlash maqsadlariga yo‘naltiriladi.
Mablag‘lar 2026-yil II choragida dehqon bozorlari, ixtisoslashtirilgan va buyum bozorlaridan tushgan soliq tushumlari hisobidan shakllangan mahalliy budjetning qo‘shimcha manbalariga taalluqlidir.
Maqsad — yo‘llar holatini yaxshilash va fuqarolar uchun qulay infratuzilma yaratish.