Xalq deputatlari Qo‘qon shahar Kengashi Kotibiyati mudiri A.Nosirov tomonidan deputat M.Azimov saylangan “Urg‘anjibog‘” saylov okrugi hududida o‘rganish ishlari olib borildi.

O‘rganishlar davomida hududdagi 38-sonli umumta’lim maktabida “Tashabbusli budjet” loyihasi asosida qurilayotgan qo‘shimcha o‘quv binosida amalga oshirilayotgan qurilish ishlari bilan yaqindan tanishildi.

Mazkur loyiha maktabning moddiy-texnik bazasini mustahkamlash, o‘quvchilar uchun qo‘shimcha ta’lim maydonlarini yaratish hamda ta’lim olish sharoitlarini yaxshilashga qaratilgan.

️O‘rganish jarayonida qurilish ishlarining borishi, belgilangan muddatlarga rioya etilishi hamda loyiha doirasida bajarilayotgan ishlar holatiga e’tibor qaratildi. Loyihani 2026-yil 26-dekabrga qadar foydalanishga topshirish rejalashtirilgan.

O‘rganishda pudrat tashkiloti mas’ullari, Qo‘qon shahar Iqtisodiyot va moliya bo‘limi sektor mudiri M.Qurbonov hamda Qurilish nazorati inspeksiyasi vakillari ishtirok etdilar.

O‘rganishdan ko‘zlangan asosiy maqsad — qurilish ishlarining belgilangan loyiha talablari va muddatlariga muvofiq amalga oshirilishini kuzatish, shuningdek, maktabda o‘quvchilar uchun yanada qulay ta’lim sharoitlarini yaratish jarayonini nazorat qilishdan iborat.

Xalq deputatlari Qo‘qon shahar Kengashi