KEShE HÁM BÚGIN: BOZATAW – QOŃIRAT JOLÍ JAŃALANBAQTA
Ózbekstan Respublikası Prezidentiniń 2026-jıl 21-fevraldaǵı PQ-70-sanlı qararına muwapıq, Bozataw rayonın Qońırat rayonı menen baylanıstırıwshı 95V121 (4N83) «Bozataw rayonı orayı – Porlıtaw awılı» avtomobil jolınıń 0–24 kilometr bólegin ońlaw belgilengen.
Házirgi waqıtta usı baǵdarda keń kólemli ońlaw jumısları qızǵın dawam etpekte. «ARAL SUV QURILISH» JShJnıń tájiriybeli qurılısshıları tárepinen jol bóleginde asfalt qaplamasın tósew jumısları ámelge asırılmaqta.
Keshе júriw ushın qıyınshılıqlar tuwdırǵan jol bólegi, búgin basqıshpa-basqısh jańalanıp, zamanagóy talaplarǵa juwap beretuǵın jaǵdayǵa keltirilmekte.
Bul jumıslar Bozataw hám Qońırat rayonları arasındaǵı qatnawdı jaqsılaw, jol háreketi qáwipsizligin támiyinlew hám xalıqqa qolaylı sharayat jaratıwda áhmiyetli áhmiyetke iye.
Sapalı jol — qolaylı qatnaw, qáwipsiz háreket hám rawajlanıwǵa aparatuǵın jol!