Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston liberal demokratik partiyasidan saylangan deputat A.Kulbayevga biriktirilgan kotibiyat mudiri J.Sadirov tomonidan tumanning “Qoramozor” mahallasida joylashgan 24-sonli umumta’lim maktabining kuz-qish mavsumiga tayyorgarlik holati joyiga chiqqan holda o‘rganildi.

🔵O‘rganish davomida ta’lim muassasasida o‘quvchilar va pedagog xodimlar uchun sovuq mavsumda zarur sharoitlarni yaratish, binolarni issiqlik bilan ta’minlash, mavjud qozonxonalar va isitish tizimlarining texnik holati, shuningdek, yoqilg‘i zaxirasining shakllantirilganligiga alohida e’tibor qaratildi.

🔵Xususan, maktabda mavjud qozonxonalarning holati ko‘zdan kechirilib, ular soz holda ekani aniqlandi. Qozonxonalarning mavsum davomida belgilangan tartibda ishlashi uchun zarur sharoitlar mavjudligi qayd etildi. Shuningdek, maktab binosidagi issiqlik tizimlari ham ishchi holatda bo‘lib, sovuq kunlarda o‘quv xonalari va boshqa zarur binolarni isitish imkoniyati mavjudligi ma’lum bo‘ldi.

🔵Kuz-qish mavsumini barqaror o‘tkazishda maqsadida mavjud yoqilg‘i zaxirasidan oqilona va samarali foydalanish, ko‘mirni belgilangan tartibda saqlash, uni namlik va yog‘ingarchilikdan himoya qilish, qozonxonalarning ish jarayonini muntazam nazorat qilish masalalariga ham e’tibor qaratildi.

🔵Maktab mas’ullariga kuz-qish mavsumi davomida issiqlik ta’minotida uzilishlarga yo‘l qo‘ymaslik, qozonxonalar va isitish tizimlarini doimiy nazoratda ushlash hamda zarur hollarda profilaktik-texnik xizmat ko‘rsatish ishlarini o‘z vaqtida amalga oshirish bo‘yicha tavsiyalar berildi.