Xalq deputatlari Marg‘ilon shahar Kengashi deputati, shahar hokimi E.Rustamov tomonidan 25-Orolbo‘yi saylov okrugidaga “Orolbo‘yi” mahallasida kambag‘allikni qisqartirish va aholi bandligini ta’minlash bo‘yicha mahallabay hamda xonadonbay o‘rganish ishlari olib borildi.

O‘rganishlar davomida kambag‘allik reyestriga kiritilgan oilalarning ijtimoiy-iqtisodiy holati, mavjud muammolari va ularni hal etish imkoniyatlari atroflicha o‘rganildi. Shuningdek, vaqtincha ishsiz fuqarolarni doimiy va barqaror daromad manbai bilan ta’minlash, ularning bandligini yo‘lga qo‘yish hamda tadbirkorlik faoliyatini boshlashi uchun mavjud imkoniyatlardan samarali foydalanish masalalariga alohida e’tibor qaratildi.

Xonadonbay o‘rganish jarayonida har bir oila va fuqaroning imkoniyati, qiziqishi hamda ehtiyojidan kelib chiqib, ularni kasb-hunarga o‘qitish, mavjud bo‘sh ish o‘rinlariga yo‘naltirish, tadbirkorlik va tomorqachilik faoliyatini rivojlantirish orqali daromadlarini oshirish bo‘yicha tegishli vazifalar belgilab olindi.