Xalq deputatlari Payariq tumani Kengashi kotibiyati mudiri J.Axunov hamda tuman hokimligi bosh mutaxassisi G‘.Eltayev tomonidan Bunyodkor mahallasida xotin-qizlar faoli faoliyati o‘rganildi.

O‘rganish jarayonida O‘zbekiston Respublikasi Vazirlar Mahkamasining 2020-yil 4-yanvardagi 3-son qarori bilan tasdiqlangan “Xotin-qizlarni tazyiq va zo‘ravonlikdan himoya qilish tizimini takomillashtirish chora-tadbirlari to‘g‘risida”gi qaror talablari asosida mahallada xotin-qizlarning huquq va qonuniy manfaatlarini himoya qilish, ularni tazyiq va zo‘ravonlikdan asrash, muammoli oilalar bilan manzilli ishlash borasida amalga oshirilayotgan ishlar ko‘rib chiqildi.

Shuningdek, xotin-qizlar faoli tomonidan yuritilayotgan hujjatlar, murojaatlar bilan ishlash, ijtimoiy himoyaga muhtoj hamda muammoli vaziyatga tushib qolgan xotin-qizlarni aniqlash va ularga amaliy ko‘mak ko‘rsatish faoliyati tahlil qilindi.