«Birlashib, buyuk tarix yaratamiz» — ezgu g‘oyalar mazmun-mohiyati keng targ‘ib etildi

Mamlakatimiz mustaqilligining 35 yilligi munosabati bilan Prezidentimiz tomonidan ilgari surilgan tashabbus va g‘oyalar, yurtimiz taraqqiyotining ustuvor yo‘nalishlari jamoatchilik o‘rtasida keng targ‘ib qilinmoqda.

Shu maqsadda bugun Termiz tumanidagi 3-sonli umumta’lim maktabida O‘zbekiston Respublikasi davlat mustaqilligining 35 yilligiga bag‘ishlangan tantanali marosimdagi Prezident nutqida ilgari surilgan g‘oyalar mazmun-mohiyatini ochib berishga qaratilgan «Birlashib, buyuk tarix yaratamiz» nomli sharhning targ‘ibotiga bag‘ishlangan ma’naviy-ma’rifiy tadbir o‘tkazildi.

Unda deputatlar, jamoatchilik faollari, umumta’lim maktablari direktorlari hamda ilg‘or pedagoglar ishtirok etdi. Tadbirda Termiz davlat universiteti professori Islom Qarshiyev, Respublika Ma’naviyat va ma’rifat markazi Termiz tuman bo‘linmasi rahbari Dilshod Utaganov hamda hamkor tashkilotlar vakillari ishtirok etib, davlatimiz rahbarining nutqida belgilangan ustuvor vazifalar, muhim tashabbuslar va 7 ta milliy dasturning mazmun-mohiyati haqida atroflicha ma’lumot berdi.

Muloqot davomida inson qadrini ulug‘lash, aholi farovonligini ta’minlash, yoshlarni qo‘llab-quvvatlash, ta’lim va ilm-fanni rivojlantirish, ijtimoiy himoyani kuchaytirish, mahallalar taraqqiyotini ta’minlash kabi muhim masalalar yuzasidan fikr va mulohazalar almashildi.