Mahalliy Kengash deputatlari faoliyatining eng muhim yo‘nalishlari bo‘yicha 24 Tavsiya asosida amaliy ishlar olib borilmoqda.

Xususan, Xalq deputatlari Andijon shahar Kengashi deputati Fayzullo Dadajonov tomonidan o‘quvchi-yoshlarning qiziqishlari, qobiliyatlari va kelajakdagi kasb tanloviga oid masalalar o‘rganildi.

Jarayon davomida 7–11-sinf o‘quvchilarining kelajakda egallashni istayotgan kasb va mutaxassisliklari bo‘yicha o‘tkazilgan so‘rovnoma natijalariga e’tibor qaratildi.

O‘quvchilarning qiziqish va qobiliyatlarini tahlil qilish, ularni zamonaviy va talab yuqori bo‘lgan kasblarga yo‘naltirish, shuningdek, kasb tanlashida amaliy ko‘mak ko‘rsatish masalalari muhokama qilindi.

Deputat tomonidan yoshlarning kelajakdagi kasbini to‘g‘ri tanlashiga ko‘maklashish, ularning qiziqishlarini qo‘llab-quvvatlash va kasb-hunarga yo‘naltirish ishlarini yanada samarali tashkil etishga alohida e’tibor qaratildi.