MAHALLADA O‘RGANISH ISHLARI

Xalq deputatlari Qo‘shko‘pir tuman Kengashi kotibiyati tomonidan “Oshoq qala” mahallasida mahalla yettiligi faoliyati hamda qonunchilik hujjatlari ijrosi yuzasidan o‘rganish ishlari olib borildi.
O‘rganish jarayonida Kengash kotibiyati bosh mutaxassisi S. Matyaqubova mahallada bo‘lib, mahalla yettiligi tomonidan aholi bilan ishlash, fuqarolarning murojaatlarini ko‘rib chiqish, ularning muammolarini aniqlash va manzilli hal etish borasida amalga oshirilayotgan ishlar bilan yaqindan tanishdi.
Shuningdek, O‘zbekiston Respublikasining 2013-yil 22-apreldagi “Fuqarolarning o‘zini o‘zi boshqarish organlari to‘g‘risida”gi O‘RQ-350-sonli Qonuni talablari ijrosi, mahalla yettiligining qonunchilikda belgilangan vazifalarni amalga oshirishi hamda aholi manfaatlarini ta’minlash borasidagi faoliyati o‘rganildi.
O‘rganish davomida mahallada fuqarolar bilan ochiq va samarali muloqotni yo‘lga qo‘yish, mavjud muammolarni joyida aniqlash, aholining ijtimoiy masalalarini hal etishda mas’ul tashkilotlar bilan hamkorlikni kuchaytirish masalalariga alohida e’tibor qaratildi.