Farzandi bir yoshga to‘lmasdan mehnat faoliyatiga qaytgan ayollarni qo‘llab-quvvatlash — muhim ijtimoiy qadam.

👉2027 yil 1 yanvardan mehnat shartnomasi asosida ishlayotgan va bir yoshga to‘lmagan farzandi bor ayollarga bola parvarishlash nafaqasi to‘lanishi belgilanayotgani xotin-qizlar va oilalar manfaatlarini ta’minlash yo‘lidagi muhim choralardan biri, deb hisoblayman.
👉Ayniqsa, farzandi hali bir yoshga to‘lmagan bo‘lsa-da, turli sabablarga ko‘ra mehnat faoliyatini davom ettirayotgan ayollarga bunday nafaqaning berilishi ularning mehnat va oilaviy majburiyatlarini uyg‘unlashtirishiga qo‘shimcha ko‘mak beradi.
👉Shuningdek, ijtimoiy yordam mablag‘larini tasarruf etish vakolatlarining tuman va shahar shtablariga o‘tkazilishi aholiga manzilli yordam ko‘rsatish, ehtiyojmand oilalarni qo‘llab-quvvatlash va mavjud imkoniyatlardan samarali foydalanishda muhim ahamiyat kasb etadi.
👉Deputat sifatida bunday ijtimoiy tashabbuslarni qo‘llab-quvvatlayman. Zero, oila farovonligi, onalar mehnati va bolalar manfaatini himoya qilish — jamiyat taraqqiyotining muhim omilidir.

Mavluda Xidirova,
Xalq deputatlari Jondor tumani Kengashi deputati,