Oqoltin tumanida "Bilimlar kuni" ko‘tarinki ruhda nishonlandi

Bugun, Oqoltin tumanidagi barcha maktablarda yangi o‘quv yili boshlanishi munosabati bilan "Bilimlar kuni" keng nishonlandi. O‘tkazilgan tadbirlarda tuman hokimi, hokimlik, tashkilot va muassasa rahbarlari ham ishtirok etishdi.

Xalq deputatlari Oqoltin tumani Kengashi raisi Sh.Eshbayev 7-sonli umumta’lim maktabida tashkillashtirilgan tadbirda ishtirok etib, barchani mustaqilligimizning o‘ttiz besh yilligi hamda boshlanayotgan yangi o‘quv yili bilan tabrikladi. Yosh avlod vakillariga yuksak marralar sari dadil parvoz etib, ilm-ma’rifat cho‘qqilarini zabt etishlarida ulkan zafarlar yor bo‘lishiga tilaklar bildirildi.