Xalq deputatlari Angor tumani 2–Xo‘jaqiya saylov okrugi deputati Jovliyeva Ravshan hududida xalq deputatlari Angor tumani Kengashi raisi Qo‘zimurotov Abdusalom Javliyevich tomonidan Xo‘jaqiya mahallasiga tashrif amalga oshirildi.

Mazkur o‘rganishda xalq deputatlari Angor tumani Kengashi kotibiyati bosh mutaxassisi Choriyeva Mahliyo ham ishtirok etdi.

Tashrif davomida mahallada fuqarolar murojaatlari bilan ishlash holati, aholini qiynayotgan dolzarb masalalarni o‘z vaqtida aniqlash va ularni bartaraf etish bo‘yicha amalga oshirilayotgan ishlar yuzasidan mahalla faollari bilan muloqot o‘tkazildi. Shuningdek, mahalla fuqarolar yig‘inining joriy faoliyati, hududdagi ijtimoiy muhit hamda obodonlashtirish ishlari atroflicha muhokama qilindi.

Muloqot yakunida Kengash raisi tomonidan fuqarolar murojaatlariga mas'uliyat bilan yondashish, ularni o‘z vaqtida ko‘rib chiqish va ijobiy hal etish, mahallada obodonlashtirish hamda ko‘kalamzorlashtirish ishlarini izchil davom ettirish, aholi bilan doimiy muloqotni kuchaytirish yuzasidan tegishli tavsiya va ko‘rsatmalar berildi.

Ta'kidlanganidek, har bir murojaat e'tiborda bo‘lishi, fuqarolarning ishonchini oqlash va mahalla taraqqiyotiga xizmat qiluvchi tashabbuslarni qo‘llab-quvvatlash deputatlik faoliyatining ustuvor yo‘nalishlaridan biri hisoblanadi.