🏅 “Jismoniy tarbiya va sport to‘g‘risida”gi Qonun ijrosi joyida o‘rganildi

Xalq deputatlari Qo‘shko‘pir tuman Kengashi deputati A. Jumaniyozov hamda tuman Kengashi kotibiyati bosh mutaxassisi A. Erkinov tuman sport maktabida bo‘lib, O‘zbekiston Respublikasining “Jismoniy tarbiya va sport to‘g‘risida”gi Qonuni ijrosi yuzasidan amalga oshirilayotgan ishlar bilan joyida tanishdilar.

O‘rganish davomida sport maktabida yosh sportchilar uchun yaratilgan shart-sharoitlar, mashg‘ulot zallari, sport anjomlari bilan ta’minlanganlik darajasi, murabbiylar faoliyati hamda o‘quv-mashg‘ulot jarayonining tashkil etilishi ko‘zdan kechirildi. Shuningdek, sport bilan muntazam shug‘ullanish uchun yaratilgan qulay muhit, iqtidorli yoshlarni aniqlash va qo‘llab-quvvatlash borasida amalga oshirilayotgan ishlar yuzasidan fikr almashildi.

O‘rganish yakunida qonun ijrosini samarali tashkil etish, sport infratuzilmasidan oqilona foydalanish, yoshlar o‘rtasida ommaviy sportni rivojlantirish bo‘yicha tavsiya va takliflar bildirildi.