Oʻzbekiston Respublikasi Prezidenti Shavkat Mirziyoyevning Belarus Respublikasi Bosh vaziri oʻrinbosari Viktor Karankevich boshchiligidagi delegatsiyani qabul qilgani ikki davlat oʻrtasidagi strategik sheriklikni yanada mustahkamlash yoʻlidagi muhim qadamdir.
🌏Xalq deputatlari Jondor tumani Kengashi deputati sifatida ushbu uchrashuv natijalari mamlakatimizda investitsiyaviy hamkorlikni kengaytirish, sanoat kooperatsiyasini rivojlantirish, zamonaviy texnologiyalarni joriy etish hamda hududlarning iqtisodiy salohiyatini oshirishga xizmat qilishiga ishonaman. Bunday yuksak darajadagi muloqotlar nafaqat davlatlararo aloqalarni mustahkamlaydi, balki joylarda yangi investitsiya loyihalarini amalga oshirish, ish o‘rinlari yaratish va aholi farovonligini oshirish uchun ham keng imkoniyatlar yaratadi.
🌏Prezidentimiz tomonidan olib borilayotgan ochiq va pragmatik tashqi siyosat natijasida Oʻzbekistonning xalqaro nufuzi tobora ortib, xorijiy hamkorlar bilan o‘zaro manfaatli munosabatlar yangi bosqichga ko‘tarilmoqda. Bu esa hududlarni kompleks rivojlantirish va xalqimiz farovonligini yuksaltirishga xizmat qiladi.