Xalq deputatlari Jondor tumani Kengashiga 3-Romish saylov okrugidan saylangan deputat R.Bozorova hamda tuman Kengashi kotibiyati bosh mutaxassisi R.Murojov hamkorligida “Oqtepa” mahallasida ijtimoiy xodim faoliyati o‘rganildi.
Uchrashuv davomida ijtimoiy xodim tomonidan aholining ijtimoiy ehtiyojmand qatlamlariga ko‘rsatilayotgan xizmatlarni sifatli tashkil etish, kam ta’minlangan oilalarga ijtimoiy nafaqalar va moddiy yordam tayinlash hamda to‘lash ishlari yuzasidan hisobot tinglandi.
Hisobotda aholining ijtimoiy himoyaga muhtoj qatlamlarini qo‘llab-quvvatlash, murojaatlarni o‘z vaqtida ko‘rib chiqish va davlat tomonidan ajratilayotgan ijtimoiy yordamlarning manzilli yetkazilishi bo‘yicha amalga oshirilayotgan ishlar haqida ma’lumot berildi.

Tadbir yakunida ijtimoiy xizmatlar sifatini yanada oshirish, aholi bilan manzilli ishlash va ijtimoiy ko‘makka muhtoj fuqarolarni har tomonlama qo‘llab-quvvatlash bo‘yicha tegishli tavsiyalar berildi.