#deputat_soʻrovi_javobi #poytaxtdeputatlari #deputatlik_faoliyati

❗️ Deputatlik so‘rovi natijasida Shayxontohur tumanidagi yo‘l o‘tkazgich qurilishi bo‘yicha ma’lumot olindi

🏛 Xalq deputatlari Toshkent shahar Kengashi deputati Xusniddin Ergashev tomonidan Shayxontohur tumanidagi “Shofayzi” va “Hamdam” ko‘chalarini bog‘lab turgan Bo‘zsuv kanali ustida yo‘l o‘tkazgich qurilishi yuzasidan yuborilgan deputatlik so‘roviga Toshkent shahar hokimi o‘rinbosari – kanallardan foydalanish va ularga tutash hududlarni obodonlashtirish masalalari bo‘yicha boshqarma boshlig‘i A.A. Isroilov tomonidan rasmiy javob taqdim etildi.

📩 Javobda ma’lum qilinishicha, mazkur hudud O‘zbekiston Respublikasi Vazirlar Mahkamasining 2025-yil 2-iyuldagi 441-F-son farmoyishi asosida amalga oshirilayotgan Bo‘zsuv kanali qirg‘oqbo‘yi hududlarini kompleks obodonlashtirish va zamonaviy sayilgoh barpo etish loyihasining ikkinchi bosqichi qamroviga kiritilgan.

📁 Qayd etilishicha, loyiha doirasida hudud aholisi uchun qulay va xavfsiz harakatlanish sharoitlarini yaratish, kanalning ikki qirg‘og‘ini o‘zaro bog‘lash hamda transport va piyodalar qatnovini yaxshilash maqsadida Bo‘zsuv kanali ustidan yangi ko‘prik (yo‘l o‘tkazgich) qurilishi nazarda tutilgan.

📉 Hozirgi vaqtda loyiha bo‘yicha loyihaoldi hamda loyiha-smeta hujjatlarini ishlab chiqish ishlari olib borilayotgani, yakuniy loyiha yechimlari vakolatli tashkilotlar bilan kelishilgandan so‘ng tasdiqlangan hujjatlar asosida qurilish-montaj ishlari bosqichma-bosqich amalga oshirilishi bildirilgan.

🔎 Shuningdek, deputatlik so‘rovida ko‘tarilgan masala amalda ko‘rib chiqilgani hamda “Shofayzi” va “Hamdam” ko‘chalarini bog‘lovchi yangi ko‘prik qurilishi Bo‘zsuv kanali qirg‘oqbo‘yi hududlarini kompleks rivojlantirish loyihasi doirasida amalga oshirilishi rejalashtirilgani ta’kidlangan.

🤝 Mazkur masalaning ijrosi Xalq deputatlari Toshkent shahar Kengashi deputati Xusniddin Ergashev tomonidan nazoratda saqlanmoqda.

📱 Telegram 📱 Instagram 📱 Facebook 📱 YouTube 🔎 E-kengash