Xalq deputatlari tuman Kengashi deputati D.Alimov o‘z saylov okrugida aholini uzluksiz va sifatli elektr energiyasi bilan ta’minlash maqsadida amalga oshirilayotgan elektr tarmoqlarini modernizatsiya qilish ishlari bilan yaqindan tanishdi. Tashrif davomida deputat hududda elektr uzatish tarmog‘ini kengaytirish doirasida o‘rnatilayotgan beton elektr ustunlari, yangi elektr liniyalarini tortish hamda infratuzilmani mustahkamlash ishlarining borishini ko‘zdan kechirdi. Shuningdek, mas’ul tashkilotlar va pudratchi korxona vakillari bilan suhbatlashib, qurilish-montaj ishlarining sifati, belgilangan muddatlarda yakunlanishi va xavfsizlik talablariga qat’iy rioya etilishi yuzasidan fikr almashildi. Uchrashuv davomida deputat ishlarni yuqori sifatda tashkil
etish, o‘rnatilayotgan beton ustunlarining mustahkamligi, elektr tarmoqlarining texnik talablarga to‘liq muvofiqligi va qurilish jarayonlarini belgilangan muddatlarda yakunlash yuzasidan mas’ullarga tegishli tavsiya va takliflarini bildirdi.