Xalq deputatlari Ishtixon tumani Kengashining haftalik ish rejasiga muvofiq, hududlarni ijtimoiy-iqtisodiy rivojlantirish, aholi turmush farovonligini oshirish hamda qabul qilingan qarorlar ijrosini ta’minlashga qaratilgan qator tadbirlar amalga oshiriladi.

Hafta davomida Kengashning doimiy komissiyalari tomonidan quyidagi yo‘nalishlarda o‘rganish va nazorat tadbirlari tashkil etiladi:
🔹 aholini ichimlik suvi bilan ta’minlash va suv resurslaridan oqilona foydalanish holatini o‘rganish;
🔹 hududlarda sanitariya-epidemiologik osoyishtalikni ta’minlash hamda obodonlashtirish ishlari ijrosini tahlil qilish;
🔹 oilaviy tadbirkorlik, aholi bandligini ta’minlash va yangi ish o‘rinlari yaratish dasturlarining bajarilish holatini o‘rganish;
🔹 yoshlar va xotin-qizlarni qo‘llab-quvvatlash bo‘yicha amalga oshirilayotgan ishlar samaradorligini baholash;
🔹 Kengash sessiyalarida qabul qilingan qarorlar ijrosi yuzasidan deputatlik nazorati tadbirlarini o‘tkazish.

Shuningdek, deputatlar tomonidan mahallalarda manzilli o‘rganishlar tashkil etilib, fuqarolar murojaatlari, mavjud muammolar va ularning yechimi yuzasidan takliflar shakllantiriladi.

📊 Sessiyalarda ko‘rib chiqilishi rejalashtirilgan masalalar joyiga chiqib o‘rganiladi, mavjud holat tahlil qilinadi hamda tegishli xulosalar tayyorlanadi.

📰 Ochiqlik va shaffoflik tamoyillari asosida Kengash faoliyati, deputatlik nazorati tadbirlari va doimiy komissiyalar ishlari ommaviy axborot vositalari hamda ijtimoiy tarmoqlar orqali yoritib boriladi.

✅ Belgilangan vazifalarning o‘z vaqtida va sifatli bajarilishi deputatlar hamda doimiy komissiyalar nazoratida bo‘ladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram