O‘zbekiston Respublikasi Prezidentining 2025-yil 8-oktabrdagi PQ-298-sonli hamda 2026-yil 5-fevraldagi PQ-49-sonli qarorlari ijrosini ta’minlash maqsadida Jalaquduq tumanida keng ko‘lamli bunyodkorlik va obodonlashtirish ishlari amalga oshirilmoqda. 2026-yil 19-iyun kuni Xalq deputatlari tuman Kengashi raisi Sh.Xaytakhunov hamda viloyat
Kengashi deputati O.Nosirovlar joylardagi qurilish-montaj jarayonlari bilan yaqindan tanishdilar. O‘rganishlar
davomida infratuzilmani yaxshilash borasida qator ijobiy natijalarga erishilgani ma’lum bo‘ldi. Jumladan, umumiy uzunligi 6,3 km bo‘lgan yo‘lning 2,8 km qismiga sifatli asfalt qoplamasi yotqizildi. Shuningdek, hududda elektr
ta’minotini barqarorlashtirish bo‘yicha ham muhim qadamlar qo‘yilmoqda. Elektr energiyasi tarmoqlarini yangilash maqsadida 26 ta yangi beton ustun o‘rnatildi. Ayni paytda hududga keltirilgan 2 ta zamonaviy transformatorni o‘rnatish va tarmoqqa ulash ishlari qizg‘in davom ettirilmoqda. Mas’ullar tomonidan aholi uchun munosib turmush sharoitini yaratishga qaratilgan bunyodkorlik ishlarini belgilangan muddatlarda va sifatli yakunlash yuzasidan tegishli ko‘rsatmalar berildi. Hududdagi qurilish ishlari jadal sur’atlar bilan davom etmoqda.