Xalıq deputatları Bozataw rayonlıq Keńesı 8-“Erkindarya” okruginen (ÓzLiDeP) deputat J.Jumanazarov tárepinen óz aymaǵındaǵı 7-sanlı ulıwma orta bilim beriw mektebiniń sport zalında remont jumısları menen tanıstı.

Qaraqalpaqstan Respublikası Joqarǵı Keńesiniń Baslıǵı, awıl hám kóshe biyleri, kóshe sárdarları, hayal-qızlar, jazıwshı-shayırlar, jurnalistler, mádeniyat xızmetkerleri hám din wákilleri menen ushırasıwı dawamında puqaralardıń bildirilgen pikir hám usınıslarında Bozataw rayonındaǵı 7-sanlı ulıwma bilim beriw mektebiniń sport zalın rekonstrukciyalawda ámeliy járdem soralǵan edi.
Bul usınıs tiykarında Qaraqalpaqstan Respublikası Joqarǵı Keńesiniń 2025-jıl 22-sentyabrdegi 289-sanlı Prezidium qararına tiykar Bozataw rayonı 7-sanlı mekteptiń sport zalınıń tóbe bastırması shiferın ońlaw ushın 120,9 mln sum qarjı ajıratılıp berilip, ońlaw jumısları alıp barılǵan.
Sonday-aq, sport zal imaratınıń ishki pardozlaw jumısları ushın qarjı ajıratılǵan bolıp, qurılısshı menen shártnamalar dúzilip, qısqa múddetlerde ońlaw jumısları baslanıp házirgi waqıtta remont jumısları toqtap qalǵan.
Deputatlıq úyreniwler arqalı orınlardaǵı mashqalalardı óz waqtında anıqlap, olardı sheshiw boyınsha rayonlıq Mektepke shekemgi hám mektep bilimlendiriw bólimine deputatlıq soraw jiberiletuǵının bildirdi.