Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Respublikasi Prezidentining 2023-yil 21-dekabrdagi PF-209-son Farmoniga asosan “Xo‘jakent” mahalla fuqarolar yig‘ini bo‘yicha hokim yordamchisi R.Amonov faoliyati Xalq deputatlari tuman Kengashi raisi O.Babayev tomonidan o‘rganildi.

🔺O‘rganish davomida hokim yordamchisi tomonidan aholining tadbirkorlikka bo‘lgan qiziqishini oshirish, o‘z biznesini yo‘lga qo‘yish istagida bo‘lgan fuqarolarga amaliy ko‘mak berish, imtiyozli kredit va subsidiyalar ajratish bo‘yicha amalga oshirilayotgan chora-tadbirlar tahlil qilindi.

🔺Shuningdek, mahallada tashkil etilgan kichik biznes subyektlari, oilaviy tadbirkorlik loyihalari hamda o‘zini o‘zi band qilish dasturlari doirasida yaratilgan yangi ish o‘rinlari holati bilan tanishildi.

🔺Aholi bandligini ta’minlash, kambag‘allikni qisqartirish va tadbirkorlikni qo‘llab-quvvatlashga qaratilgan dasturlar ijrosining samaradorligiga alohida e’tibor qaratilib, aniqlangan ayrim kamchiliklarni bartaraf etish hamda tadbirkorlikni yanada rivojlantirish bo‘yicha Kengash raisi tomonidan tegishli tavsiyalar berildi.