Ózbekstan Respublikası Prezidentiniń 2019-jıl 7-iyundegi "Ózbekstan Respublikası xalqına málimleme-kitapxana xızmetin kórsetiwdi bunnan bılay da jetilistiriw haqqında"ǵı PQ-4354-sanlı qararına muwapıq, 21-may sánesi elimizde "Kitapxanashılar kúni" sıpatında keńnen belgilenip kelinbekte.
Usı múnásibet penen 1-sanlı mektebde ótkerilgen bayram ilájında rayonlıq Keńeske ÓzLiDEP partıyasınan deputat N.Azbergenov qatnastı.
Ilaj dawamında ulıwma orta bilim beriw mekteplerinde jumıs alıp barıp atırǵan kitapxanashılardıń kóp jıllıq nátiyjeli miyneti, jas áwladtıń kitapqumarlıq mádeniyatın arttırıw, ruwxıy-aǵartıwshılıq dárejesin joqarılatıw hám kitapxana tarawın rawajlandırıwdaǵı múnásip úlesi ayrıqsha atap ótildi.
Bayram sońında bir topar pidayı kitapxanashılar Taxtakópir rayonı Mektepke shekemgi hám mektep bilimlendiriw bóliminiń húrmet jarlıqları hám estelik sawǵaları menen sıylıqlandı.